SHBA dhe Suedia mes shteteve me përfitimin më të madh nga inovacioni teknologjik

Inovacioni digjital dhe ekonomik ka sjellë dobi më të madhe për Shtetet e Bashkuara të Amerikës (SHBA), Suedinë, Izraelin, Singaporin, Finlandën, Holandën dhe Zvicrën, theksohet në raportin e organizatorit të Forumit Ekonomik Botëror, transmeton Anadolu Agency (AA).

Në Raportin Global mbi Teknologjinë e Informacionit bëhet e ditur se trendet tregojnë se individët, e jo ndërmarrjet dhe qeveritë nxisin revolucionin digjital.

Po ashtu theksohet se në masë të konsiderueshme përhapet hendeku në infrastrukturë mes vendeve të pasura dhe vendeve në zhvillim.

Ekonomistja e Forumit Margareta Drzeniek Hanouz vlerësoi se “qeveritë dhe ndërmarrjet nuk mbështeten mjaftueshëm në teknologjinë digjitale”.