Koalicioni për ndryshime: Bisedimet për dalje nga kriza të zhvillohen para kamerave

Koalicioni për ndryshime dhe drejtësi vlerëson se në procesin e bisedimeve duhet të përfshihen edhe partitë tjera elevante, sektori civil dhe mediat. Ata konsiderojnë se VMRO-DPMNE dhe BDI nuk kanë kredibilitet për të folur për reforma, transmeton Portalb.

“Bisedimet duhet të jenë transparente dhe para kamerave” thonë nga koalicioni.

“Propozojmë të formohet Qeveri ekspertësh që do të ketë për obligim të bëjë reforma rrënjësore dhe të krijojë kushte për zgjedhje fer dhe demokratike. Të domosdoshme janë edhe reformat në sistemin gjyqësor”, shtojnë më tutje ata.

Nga koalicioni porosisin që Prokuroria Speciale Publike të vazhdojë punën e saj pa obstruksione.