Spahiu: Shqipëria nuk ndryshoi, as me grushtin, as me 2 gishta, por as me gishtin e ‘frroços’

Kryetari i Aleancës Kuqezi Kreshnik Spahiu ka shpallur sot një fushatë të titulluar “Shqipëria s’po ndryshon” përpara qindra aktivistëve të tij të mbledhur në Akademinë e Arteve.

Ai e ka hapur takimin me urimin për besimtarët katolikë për Festën e Pashkëve dhe ka zgjedhur për të recituar disa vargje të poetit kombëtar dhe klerikut Gjergj Fishta, në të cilat jep mesazhin e një kombi pa ndasi.

“Shqipëria nuk po ndryshon tha ai, as me grushtin e komunistëve, as me ato dy gishtat, as me tre gishtat e atyre që rebeluan dhe dogjën Shqipërinë po as më gishtin e ‘frroços’, – vërejti ai. – Ndaj ne nxorëm simbolin e shqiponjës dykrenare.”