Meta: Kjo klimë politike nuk i shërben vendit
Klima politike konfliktuale e mosbesuese nuk i shërben vendit, është shprehur kreu i Lëvizjes Socialiste për Integrim, Ilir Meta, gjatë një takimi me strukturat e partisë në Gjirokastër.
Më pas Meta tha se forcimi i LSI-së, është një kontribut për stabilitetin politik në vend.
“Me këtë frymë bashkëpunimi e këtë organizim do kemi rezultate më të mira në të ardhmen. LSI fuqinë e saj e ka te njerëzit, duke u lidhur gjithnjë e më shumë me ta”, tha Meta.
LSI është një forcë që punon për konsensus dhe bashkëpunim, pohoi Meta, duke u shprehur se realizimi i reformave i shërben qytetarëve.
