Ban Ki-moon dënon deklaratat e Donald Trump për muslimanët
Sekretari i përgjithshëm i Kombeve të Bashkuara, Ban Ki-moon, ka dënuar qëndrimin e kandidatit presidencial republikan, Donald Trump se muslimanëve iu duhet ndaluar hyrja në Shtetet e Bashkuara të Amerikës, transmeton Anadolu Agency (AA).
Zëdhënësi i tij, Farhan Haq përkujtoi se Sekretari i përgjithshëm i OKB-së disa herë ka folur për të gjitha format e ksenofobisë dhe deklaratave kundër emigrantëve, grupeve racore apo fetare.
“Ne nuk besojmë se dikush duhet të ndjek çfarëdo lloj retorike e cila bazohet në islamofobi, ksenofobi, urrejtje ndaj ndonjë grupi tjetër”, tha Haq.
Donald Trump të martën bëri thirrje për ndalimin e “plotë” të muslimanëve në SHBA, pas aktit terrorist të para disa ditëve në Kaliforni, ku humbën jetën 14 persona.