DOM: 10 masa emergjente për lirimin nga smogu i zi në Maqedoni

Duke u thirrur në shqetësim, për shkak të ajrit të ndotur, thuajse në të gjitha qytetet e Maqedonisë, partia DOM, vlerëson se Qeveria menjëherë duhet ta ndërpresë, sipas tyre, të paktën tani, fushatën parazgjedhore, dhe të shikojë në instrumentet matëse të ajrit, dhe të pyetet për numrin të sëmurëve nga frymëmarrja dhe atyre kardiovaskulare, me këtë dhe të shpallë gjendje të jashtëzakonshme të ndotjes së ajrit, njofton Portalb.

DOM, kërkon që Qeveria të ndalojë që përgjegjësinë për ndotjen e ajrit t’ua hedhë institucioneve të qeverisjes lokale.

“Qytetet e Maqedonisë, nëpër mbarë vendin, janë të sulmuara nga smogu i zi, nga Manastiri, Kavadarë, Kërçovë, deri në Tetovë dhe Shkup. Ministria e Mjedisit Jetësor, e cila e ka për detyrë që të kujdeset për zbatimin e ligjit për ajër të pastër dhe për mjedis jetës, të zgjohet nga ëndrra dimërore që e ka zënë, dhe t’i propozojë Qeverisë, masa emergjente sepse ajo është puna e saj”, deklaroi zëdhënësja e partisë DOM, Maja Moraçanin.

DOM, vlerëson se menjëherë duhet të zbatohen këto dhjetë masa:

Para se gjithash, të shpallet regjim i jashtëzakonshëm dhe i njëjti të zgjasë deri në fund të dimrit, të ndalohet aktivitet ndërtuese në mjediset e qyteteve, të ndryshohet regjimi i komunikacionin në qytet, duke sjelljen e detyrueshme të zonës së “gjelbër” të lirë nga automjetet, shpalljen e zonave për çiklist dhe këmbësorë në qendrat e qyteteve dhe ndalim të automjeteve të rënda në zonat e qytetit dhe drejtimin e tyre drejt qarkoreve.

Pastaj DOM kërkon, “të hiqen nga komunikacioni i qyteteve të gjitha automjetet nën standardin Euro 4, të njëjtat të nënvizohen me afishe në xhamin e përparmë të automjetit, dhe njëkohësisht, Qeveria menjëherë ta rregullojë importimin e automjeteve me këtë standard”, njofton Portalb.

Sipas DOM, duhet që të ketë më tepër autobusë në transportin publik, ndërkaq të gjitha rrugët të lahen me ujë të thjeshtë.

Është e nevojshme për mbështetje buxhetore, për blerjen e gazit të lëngshëm, furrave me sigurim të plotë, paneleve diellore për ujë të nxehtë dhe izolim të shtëpive, pastaj kontroll serioz të punës së industrisë të bimëve, veçmas të derivateve që i përdorin, mbeturinat të mblidhen rregullisht dhe të hidhen në një deponi, dhe përfundimisht të rregullohen të gjitha stacionet matëse për ajër kualitativ.

Sipas DOM, këtë masa emergjente, munden shpejtë të zbatohet dhe nuk janë shumë të shtrenjta, para se gjithash, janë të patjetërsueshme për shkak se është në pyetje shëndeti i të gjithëve. /Portalb