SHBA, ndalohet një person teksa përpiqej të vidhte një avion
Një personi është kapur në flagrancë nga forcat e sigurisë teksa përpiqej të vidhte një avion pasi kishte kaluar barrkiadad e sigurisë me mjetin e tij në zonën e ndaluar në aeroportin rajonal “Waco”. Ngjarja ka ndodhur në Teksas të SHBA-së, raporton Anadolu Agency (AA).
Theksohet gjithashtu se personi në fjalë është i gjinisë mashkull, ndërsa emri i tij nuk bëhet i ditur. Personi është kapur nga policia me ndihmën edhe të punonjësve të aeroportit dhe theksohet gjithashtu se pavarësisht paralajmërimeve personi nuk largohej nga avioni dhe tentonte të hapte derën e tij.
Mësohet gjithashtu se avioni i përkiste një kompanie private në qytetin Waco dhe se personi i cili pretendohet se kishte probleme mendore është dërguar nga autoritetet në spital për të kryer kontrollin shëndetësorë.
Policia e Waco ka theksuar se personi do të gjykohet me akuzat për tentativë të vjedhjes së avionit, rezistencë ndaj policisë dhe hyrje pa leje në një zonë të ndaluar.