Studentët takohen nesër, do të shqyrtohet mundësia e një marshi tjetër protestues

Pasi ministri i arsimit dhe shkencës refuzoi ftesën e studentëve për tu takuar studentët po shqyrton mundësinë e një marshimi tjetër protestues. Ata i bëjnë thirrje të gjithë studentëve t’i bashkëngjiten Plenumit, duke dhënë ide rreth aktiviteteve në vijim.

“Vishuni me rrobat dimri, merrni me vete pije të nxehta dhe të hënën, ora 18:00 urdhëroni në kompleksin e Universitetit “Shën Kirili dhe Metodi”. Me vete sillni edhe idetë tuaja rreth aktiviteteve të ardhshme të Plenumit”, thuhet në thirjen e Plenumit Studentor.