Qendra për Liri, CIVIL tha se më në fund, pas gati dy dekadash, do të bëhet regjistrim që nuk ka dimension politik, por është një operacion statistikor i nevojshëm për njerëzit, institucionet, biznesin dhe shoqërinë në tërësi. Ata dënojnë politizimin e procesit dhe theksojnë se thirrjet për bojkot janë krim, transmeton Portalb.mk.
CIVIL – Qendra për Liri ka monitoruar procesin e kryerjes së regjistrimit që nga dita kur filloi procedura për mirëmbajtjen e tij, gjegjësisht, përgatitjet për Ligjin për Regjistrimin e Popullsisë, të miratuar në janar 2021.
Nga CIVIL thonë se e vlerësojnë lartë punën e institucioneve, para së gjithash, Entit Shtetëror të Statistikave dhe konsiderojnë se institucionet janë gati, procesi është i organizuar mirë dhe është në përputhje me masat për mbrojtje nga KOVID-19.
Sot, në ditën e fillimit të regjistrimit, CIVIL shpalli qëndrimin, vlerësimet dhe rekomandimet e Organizatës për qytetarët, publikun, institucionet dhe të gjithë të tjerët.
Këto janë rekomandimet nga CIVIL:
- Thirrjet për bojkotim janë vepër penale. Strukturat që bëjnë thirrje për bojkotim të regjistrimit kanë për qëllim përfitimi politik në kurriz të interesit publik. CIVILi i bën thirrje publikut të refuzojë dhe dënojë një veprim të tillë të pamatur politik.
- Partitë politike, pa përjashtim, duhet ta mbështesin regjistrimin përmes thirrjeve publike dhe komunikimit me anëtarësinë e tyre.
- CIVILi u bën thirrje mediave dhe shoqërisë civile të ndihmojnë në realizimin e këtij operacioni të rëndësishëm statistikor, me thirrje publike dhe raportim korrekt.
- Nga regjistruesit kërkohet të respektojnë rreptësisht protokollet shëndetësore, siç janë standardet e regjistrimit profesional.
- Pjesëmarrja e qytetarëve është detyrim qytetar, i rregulluar me ligj.
- CIVILi u bën thirrje të gjithë qytetarëve të përmbushin detyrimin e tyre dhe të marrin pjesë në këtë operacion statistikor.
- Qytetarët mund të raportojnë veprime dhe parregullsi të paligjshme gjatë regjistrimit edhe në CIVIL.
Regjistrimi filloi sot në mëngjes në orën 8 dhe do të zgjasë deri më 30 shtator. Autoritetet presin që do të merret një numër i saktë për popullsinë, ku janë të vendosur saktësisht, të dhëna të gjinisë, moshës, arsimit, strukturës ekonomike, numrit të objekteve dhe një pamje të kushteve të jetesës së popullsisë në mënyrë që politikat e ardhshme të mund të krijohen.
Qytetarët që jetojnë jashtë vendit, e që nuk kanë mundësi të regjistrohen përmes aplikacionit online, nga sot do të mund të regjistrohen nga familjarët ose të afërmit e tyre në Maqedoninë e Veriut, që i dinë të dhënat për personin në fjalë.
Ndryshe, regjistrimi i fundit i popullsisë është bërë pothuajse 20 vjet më parë, ndërsa në vitin 2011 i njëjti dështoi që në nisje.
- LEXO: Simovski: procesi i regjistrimit po zhvillohet pa problem, kështu duken regjistruesit
- LEXO: Selami apelon që të shmangen thirrjet për bojkot të regjistrimit
- LEXO: Mariçiq: Regjistrimi do të jetë i sigurt, është detyrim ndaj shtetit dhe qytetarëve (VIDEO)
- LEXO: Regjistrimi fillon nesër, rezultatet më së voni në janar 2022, tha drejtori i ESSH-së Smovski
- LEXO: Arsovski: Gjithçka është gati për fillimin e regjistrimit
- LEXO: Qeveria e RMV-së kërkon që të punësuarit e përkohshëm në administratën publike të vihen në dispozicion të regjistrimit
- LEXO: Simovski: Nuk ekziston mundësi për shtyrjen e regjistrimit të popullsisë – interesim i ulët për regjistrues
- LEXO: RMV, një problem tjetër po shfaqet në procesin e regjistrimit, veçanërisht në vendbanimet shqiptare, alarmoi Enti i Statistikave
- LEXO: Arsovski: Përgatitjet për regjistrimin në terren në shtator vazhdojnë me tempo të përforcuar