Një zëdhënës i kryeministrit britanik njoftoi se Johnson po ashtu do të takohet me sekretarin e përgjithshëm të NATO-s, Jens Stoltenberg, për të vlerësuar situatën e fundit në luftën Ukrainë-Rusi.
Konfirmimi i udhëtimit të kryeministrit Johnson në Evropën Lindore dhe vendet Baltike vjen pas një takimi të kabinetit britanik të zhvilluar sot.
Gjatë takimit, kryeministri Johnson tha se presidenti rus, Vladimir Putin, ka bërë një “gabim kolosal” duke besuar se trupat e tij do të “zbukuroheshin me trëndafila” nga ukrainasit.
Që nga fillimi i luftës midis Rusisë dhe Ukrainës të enjten e kaluar, Moska është pritur me kritika nga komuniteti ndërkombëtar, me Bashkimin Evropian (BE), Mbretëria e Bashkuar dhe SHBA-ja, që po zbatojnë një sërë sanksionesh ekonomike kundër Rusisë.
Rusia u izolua më tej pasi aeroplanët e saj u ndaluan të fluturojnë në hapësira ajrore evropiane dhe kanadeze, ndërsa disa nga bankat e saj u përjashtuar nga sistemi bankar ndërkombëtar SWIFT.
Sipas zyrtarëve të Kombeve të Bashkuara (OKB), të paktën 102 civilë janë vrarë deri më tani në Ukrainë dhe më shumë se 500 mijë të tjerë janë larguar nga vendi.
