Eurodeputeti dhe bashkëkryesuesi i partisë ALDE (Aleanca e Liberalëve dhe Demokratëve të Evropës), Ilhan Kyçyk, porosit sot se, për liberalët është më e rëndësishme që zgjerimi i BE-së të vazhdojë, sepse kjo mund të kontribuojë në transformimin e shoqërive dhe ekonomive në vendet si Maqedonia e Veriut, transmeton Portalb.mk.
Ai, në konferencës që organizoi PLD para kongresit partiak, theksoi se, Maqedonia e Veriut shënon stabilitet kur bëhet fjalë për reformat e brendshme, ndërsa reformat siç tha ai, nuk janë vetëm për të mirën e politikanëve, por edhe për të mirën e gjithë vendit, por posaçërisht për gjeneratat e ardhshme.
“Më vjen mirë që Maqedonia e Veriut shënon stabilitet kur bëhet fjalë për reformat e brendshme, sepse ato janë aq shumë të nevojshme për suksesin e vendit. Reformat nuk janë vetëm për të mirën e politikanëve, por janë e mira e gjithë vendit, por më së shumti për gjeneratat e ardhshme. Evropa po ndryshon, shpresojmë për më mirë dhe bën reforma të veta. Për neve liberalëve është më e rëndësishme që zgjerimi të vazhdojë sepse me të vërtetë vlerësojmë se, ajo mund të kontribuojë për vendet si Maqedonia e Veriut që t’i transferjnë shoqëritë e tyre dhe ekonomitë, por gjithashtu edhe të jenë pjesë e famijes më të madhe”, theksoi Kyçyk.
Në konferencë mbajti fjalim edhe kryetari i PLD-së, Goran Milevski, i cili theksoi se, është e domosdoshme që vendi t’i tejkalojë bllokadat vendore që sa më shpejtë t’i fillojë negociatat me BE-në.
Kujtojmë se, pas 17 vitesh Maqedonia e Veriut më 19 korrik të këtij viti filloi negociatat me BE-në me mbajtjen e konferencës ndërqeveritare. Propozimi francez për zgjidhjen e ngërçit Bullgari-Maqedoni e Veriut dhe hapjen e negociatave eurointegruese, në vend mbërriti më 30 qershor. Menjëherë pas miratimit të propozimit francez në Parlamentin e Maqedonisë së Veriut, më 19 korrik u zhvillua konferenca e parë ndërqeveritare midis Maqedonisë së Veriut dhe Shqipërisë me Bashkimin Evropian.
Ndërkohë, Maqedonia e Veriut aktualisht po zhvillon edhe procesin e skriningut, i cili është planifikuar të zgjasë deri në fund të nëntorit 2023. Prej më 11 nëntor, e deri më 9 dhjetor të këtij viti, vazhdon faza e dytë e skriningut, gjegjësisht atij bilateral. Në këtë proces Maqedonia e Veriut do të paraqesë shkallën e përputhshmërisë me legjislacionin e BE-së, strukturën institucionale të zbatimit të ligjit.
- LEXO: Për një vit në Maqedoninë e Veriut është rritur qarkullimi në industri për 10 %
- LEXO: ANALIZË: Çmimet e ushqimeve në Maqedoni i janë afruar atyre “evropiane” – viti 2022 përfundon me cunami çmimesh!
- LEXO: Vazhdon skriningu shpjegues në Luksemburg, Mariçiq: Të dhënat statistikore do të jenë pjesë e rëndësishme e procesit të negociatave
- LEXO: Filloi skriningu shpjegues RMV-BE, Mariçiq: Do të përshpejtohen reformat, kemi bazën për të ecur me ritëm të mirë
- LEXO: Drita Abdiu Halili: Më 15 shtator fillon procesi i azhurimit të skriningut RMV-BE, një hap para drejt eurointegrimit (Intervistë)
- LEXO: Prioritetet çeke me presidencën e BE-së: Mbështesim zgjerimin me Ballkanin Perëndimor