Pas lajmit të Portalb.mk në lidhje me shkollat që bëjnë “pazar” me dëftesat të cilat ligjërisht janë falas për nxënësit dhe konfirmimin nga ana e Inspektoratit të Arsimit, pas përfundimit të inspektimi disa ditor në katër shkolla të mesme të RMV-së deputetja e opozitares VMRO-DPMNE-së, Velika Stojkova – Serafimovska në një konferencë për shtyp theksoi se Ministria e Arsimit dhe Shkencës e ka vonuar dhënien e dëftesave për nxënësit, ndërkaq në disa shkolla madje janë detyruar nxënësit t’i paguajnë të njëjtat, që është në kundërshtim me ligjin, njofton Portalb.mk.
“Të jetë skandali më i madh, nxënësve u janë kërkuar nga 200 denarë për dëftesat dhe nëse llogaritet prindërit, paaftësinë e Carovskës do ta paguajnë me 30 milionë denarë nga xhepat e tyre. Nëse merret parasysh se sipas ligjit për shkollë fillore dhe të mesme arsimi është falas, kjo do të thotë se pushteti po e shkel ligjin. Për atë kërkojmë përgjegjësi. Qeveria dhe Carovska duhet menjëherë që t’i refundojnë mjetet e nxënësve që i kanë paguar, por edhe të bartin përgjegjësi morale dhe politike për këtë vjedhje të turpshme të popullit në këtë krizë”, thonë nga VMRO-DPMNE.
Ndryshe, Inspektorati i Arsimit konfirmoi se në dy prej katër shkollave që ishin objekt i inspektimit, është vërtetuar shitja e dëftesave. Megjithatë, përkundër kësaj asnjë masë konkrete nuk është ndërmarrë kundër shkollave, atyre thjesht u është “sugjeruar” të ua kthejnë paratë nxënësve.
Varësisht nga shkolla, ndryshonin edhe çmimet për marrjen e dëftesave të cilat ligjërisht duhet të jenë pa pagesë, një vit më herët, Portalb.mk publikoi dëshmi se si profesorët kërkonin para nga nxënësit për këtë.
Ankesat e nxënësve për këtë fenomen nuk kishin të ndalur as këtë vit, për këtë, nga Inspektorati i Arsimit vendosën që të kryejnë inspektim në katër shkolla të mesme të akuzuara.
- LEXO: Ekskluzive: Në dy prej katër shkolla në RMV është vërtetuar se ka korrupsion me dëftesat
- LEXO: Korrupsioni në arsimin (pa) pagesë në RMV, nxënësve ju merren para në mënyrë të jashtëligjshme
- LEXO: RMV, ekskluzive: Pas denoncimit për “shitje” të dëftesave, Inspektorati i Arsimit ka hyrë në këto shkolla
- LEXO: Avokati i Popullit: Askush nuk guxon të kushtëzoje nxënësit në këmbim të dëftesës, janë falas
- LEXO: Të kthehen paratë e marra për dëftesa kërkojnë nga UNShM-ja, Inspektorati i Arsimit nuk i publikon raportet e hetimit