Opozita nuk duhet të tërhiqet nga negociatat për PSP, tha sot kreu i BDI Ali Ahmeti, njofton Portalb.mk
Sipas tij, bisedimet midis qeverisë dhe opozitës mbi ligjin e ri për Prokurorinë Publike duhet të vazhdojnë, gjë që gjithashtu përcakton fatin e PSP-së.
“Kishim takime. I bëj thirrje opozitës që të mos tërhiqet nga dialogu dhe të bjerë dakord për të mirën e vendit”, tha Ahmeti.
Pas mosarritjes së marrëveshjes për Ligjin për Prokurori Publike dhe fatin e Prokurorisë Speciale Publike (PSP), edhe zëvendëskryeministri për Çështje Evropiane, Bujar Osmani dje paralajmëroi se bisedime për sigurimin e shumicës së nevojshme, do të zhvillohen në dy trajektore.
Kërkesat e Opozitës në detaje janë si vijojnë më poshtë:
- Të zgjidhet prokuror publik, me propozim të opozitës.
- PSP t’i mbarojë lëndët gjyqësore të dorëzuara deri më 30.06.2017 dhe të ndalojë ta kryejë funksionin, por edhe të formohet Komision Anketues në Kuvend, i cili do ta vlerësojë punën e PSP-së.
- Të formohet sektor në kuadër të Prokurorisë për Krim të Organizuar me prokuror të ri special.
Kërkesat e opozitës janë në kundërshtim me qëndrimet e pushtetit.
LEXO: PSP – zhgënjim ose sukses?
LEXO: Sigurimi i votave për Ligjin e PSP-së, Hoxha i BESËS: Opozita shqiptare gomë rezervë e Qeverisë
LEXO: Qeveria e RMV-së është e vendosur: S’ka ndryshim të propozim-Ligjit të Prokurorisë dhe të Katica Janevës