Shoqatat, fonacionet dhe personat tjerë juridikë do të mund deri të hënën më 22 prill të aplikojnë në Thirrjen publike të Qytetit të Shkupit për shfrytëzimin e mjeteve për vitin 2023 të dedikuara për financimin e përbashkët të aktiviteteve programore, transmeton Portalb.mk.
“Mjetet nga Buxheti i Qytetit të Shkupit, me vlerë të përgjithshme 2.000.000 denarë do të përdoren për financimin e përbashkët të aktiviteteve të projekteve të shoqatave, fondacioneve dhe personave të tjerë juridikë, nëpërmjet grandeve për projekte të cilat do të realizohen në shkollat e mesme 2 nën kompetencat e Qytetit të Shkupit”, shkruan në Konkurs.
Qyteti i Shkupit ka numëruar prioritet gjatë përzgjedhjes së projekteve: avancimi i shkrim-leximit digjital, ndihma psikologjike, avancimi i mjedisit jetësor, hulumtimi dhe promovimi i barazisë gjinore dhe organizimi i manifestimeve ku prezantohen arritjet shkollore.
“Aplikimet me dokumentacionin e plotë, mund të depozitohen nëpërmjet Arkivës së Qytetit të Shkupit në adresën: bul. “Ilinden” nr. 82, 1000 Shkup, me shënimin – Sektori i arsimit – Aplikim për thirrje publike, ose nëpërmjet postës deri më datën 24.04.2023”, theksohet në Konkurs.