Komunikacioni në qytetin e Shkupit do të jetë me kufizime të martën dhe të mërkurën për shkak vizitës zyrtare të kryetarit të Austrisë, transmeton Portalb.mk.
“Nesër dhe pasnesër, e martë dhe mërkurë, për shkak vizitës zyrtare në vendin tonë të kryetarit të Republikës së Austrisë, Aleksander Van Der Belen, punonjësit e policisë nga Sektori për punë të brendshme në Shkup, do të marrin masa për regjim të posaçëm në komunikacionin e Shkupit”, raportoi Policia e Maqedonisë së Veriut.
Polica sqaroi që kufizimet do të vlejnë për një pjesë të madhe në qendër të qytetit, për çka kërkoi nga qytetarët të respektojnë urdhrat e policisë.