As sot nuk filloi gjykimi kundër ish kryetarit të Gjykatës Supreme, Jovo Vangellovski, i akuzuar për keqpërdorim të detyrës dhe autorizimit zyrtar në lidhje me mospagesën e kompensimeve të pagës vetëm për paraardhësen e saj, gjykatësen supreme, Lidija Nedellkova, njofton Portalb.mk.
Vangellovski, ashtu siç raporton SDK, ka kërkuar përjashtim të prokurorit, për shkak, se ai thotë ai, akuzës jo të plotë. Herën e kaluar kërkoi përjashtim të gjykatëses Daniella Aleksovska – Stojanovska, por kryetari i Gjykatës, Ivan Xholev u përgjigj se nuk ka bazë për ta përjashtuar nga lënda.
Gjykimi gjithsesi do të ndalohej, pasi që avokati i Vangellovskit ka qenë pozitiv në virusin korona.
Përpara se të shkarkohej Vangellovski nga pozita e gjyqtarit, Këshilli Gjyqësor dy vite nuk ka mundur ta gjejë dhe ta sjellë në dëgjim.
Prokuroria e Shkupit e ndjekë penalisht Vangellovskin, pasi që padrejtësisht vetëm Nedellkovës ia ka shkurtuar shtesën e pagës, në periudhë derisa ka shkuar në punë, përkundër deklarimeve të tij. Për këtë, Nedellkova i ka dorëzuar padi penale Vangellovskit.
“Më 30 nëntor 2018, në cilësinë e kryetarit të Gjykatës Supreme, i pandehuri ka marrë vendime individuale për të gjithë gjyqtarët e Gjykatës së Lartë, me të cilat ua kishte përcaktuar shtesën e pagës për nëntorin në vlerë prej 35% të pagës bazë, që u takon sipas ligjit për shkak të kushteve të veçanta të punës, ekzistenca e rrezikut të lartë dhe konfidencialiteti. Në këtë mënyrë, me vetëdije, me qëllim të shkeljes serioze të të drejtave të saj, i pandehuri nuk kishte sjellë vendim për të paguar shtesë të pagës në shumë prej 31.839,00 denarë për palën e dëmtuar – gjyqtare në Gjykatën Supreme, e cila në periudhën konkrete nuk kishte shfrytëzuar pushimin nga puna. I pandehuri ka vepruar në kundërshtim me nenin 7-b të Ligjit për pagat e gjyqtarëve dhe nenin 7 të rregullores për shtesat e pagave, shumën e tyre dhe mënyrën e përcaktimit për gjyqtarët në Republikën e Maqedonisë të miratuar nga Këshilli gjyqësor i Republikës së Maqedonisë së Veriut, me çka kryer vepër penale me të cilën është ngarkuar”, thuhet në aktakuzë.