Presidenti i Maqedonisë së Veriut, Stevo Pendarovski sot do të realizojë vizitë zyrtare në Itali, njofton Portalb.mk.
Ai pritet të takohet me homologun e tij italian, Serxho Matarela.
Kjo është vizita e dytë zyrtare e krerëve shtetërorë të RMV-së në Itali. Paraprakisht kryeministri Zoran Zaev është takuar me homologun e tij italian, Xhuzepe Konte.
Italia llogaritet ndër mbështetësit më të fuqishëm të Maqedonisë së Veriut dhe Shqipërisë për nisjen e negociatave për anëtarësimin e këtyre shteteve në Bashkimin Evropian (BE).