Është ngritur padi penale ndaj vëllezërve nga Reçica e Madhe e Tetovës për rrahjen e mjekut në Spitalin Klinik të Tetovës, njofton 24info.
Sipas Ministrisë së Brendshme, Sektori për Punë të Brendshme Tetovë sot ngriti kallëzime penale kundër A.B (43) nga Reçica e Madhe e Tetovës dhe vëllait të tij L.B (40) nga Tetova, për shkak të dyshimit për kryerjen e veprës penale “dhunë”. Ata dyshohet se kanë sulmuar fizikisht mjekun A.E (45) në Repartin e Sëmundjeve të Lëkurës në Spitalin Klinik të Tetovës, ditën e djeshme nga 9 deri në 9:30.
A.B dhe L.B janë privuar nga liria dhe u mbajtën në Stacionin Policor Tetovë. Gjatë ditës së sotme, ata do të paraqiten para gjyqtarit në procedurën paraprake të Gjykatës Themelore Tetovë.