Me 116 vota “për” dhe 2 “kundër”, Kuvendi i Kroacisë sot e ka ratifikuar Protokollin për hyrjen e Maqedonisë së Veriut në NATO, njofton Portalb.mk.
Në seancën plenare në të cilën ka ndodhur votimi, ishte edhe delegacioni i Maqedonisë së Veriut. Kryetari i Kuvendit të Kroacisë, Gordan Jandrokoviq e ka uruar konfirmimin e Protokollit për hyrje në NATO, duke paralajmëruar vazhdim të bashkëpunim me vendin për anëtarësimin edhe në BE.
“E uroj Maqedoninë e Veriut për anëtarësimin në NATO dhe mund t’u them në emër të përfaqësuesve që e kanë përkrahur vendimin e sotëm se Republika e Kroacisë do t’u japë mbështetje edhe në rrugën drejt BE-së”, porositi Jandrokoviq.
Kroacia është vendi i pestë i NATO-s që e ka miratuar Protokollin. Fillimisht atë e ka bërë Greqia, pas saj, Sllovenia, Shqipëria dhe Bullgaria. Protokollin për anëtarësim sot e ka miratuar edhe në Kuvendi i Malit të Zi.
- LEXO: Bullgaria e ratifikoi Protokollin për anëtarësimin e Republikës së Maqedonisë së Veriut në NATO
- LEXO: Kuvendi i Greqisë ratifikoi protokollin për anëtarësimin e Maqedonisë në NATO
- LEXO: Sllovenia e ratifikoi Protokollin për anëtarësim të Maqedonisë në NATO
- LEXO: Shqipëria e ratifikoi Protokollin e Maqedonisë së Veriut, me një minutë heshtje e filloi seancën(VIDEO)
- LEXO: Mali i Zi e ratifikoi Protokollin për hyrjen e Maqedonisë së Veriut në NATO
Historike, në Bruksel u nënshkrua Protokolli për anëtarësim të Maqedonisë në NATO (VIDEO)