Presidenti rus, Vlladimir Putin sot i urdhëroi shërbimet sekrete të Rusisë që t’i përforcojnë masat e sigurisë në vend dhe jashtë.
“Kërkoj prej shërbimeve sekrete të ndërmerren masa shtesë që të garantohet siguria në Rusi dhe jashtë kufijve të saj dhe ta përforcojnë sigurinë e organizatave ruse jashtë vendit dhe të bashkëpunëtorëve të tyre”, deklaroi Putin.
Putin në urdhër kërkon prej shërbimeve ruse ta përforcojnë bashkëpunimin me kolegët e tyre të huaj.
Kjo kërkesë e Putinit vjen pas vrasjes së djeshme të ambasadorit të Rusisë në Ankara, Andrej Karllov.