Të paktën 47 persona janë lënduar, prej të cilëve dy më rëndë, gjatë përplasjes së autobusëve në Abu Dhabi të enjten në mëngjes, njoftoi policia në kryeqytetin e Emirateve të Bashkuara Arabe, transmeton Anadolu Agency (AA).
Përplasja, në të cilën morën pjesë dy autobusë të shkollave dhe një transportues, ndodhi në një nga urat e Abu Dhabi-t.
Policia njoftoi se të lënduarit janë shtrirë në spital, por nuk saktësoi se sa në mesin e tyre kanë qenë nxënës. Hetimi për shkaqet e aksidentit rrugor është në rrjedhë.
Ngasja agresive është e zakonshme në rrugët e qyteteve të Emirateve Arabe.