Banka më e madhe huadhënëse në Gjermani “Deutsche Bank” aksidentalisht ka transferuar 6 miliardë dollarë në llogarinë e një klienti, pasi ka ndodhur një gabim teknik në konfirmimin e numrit të llogarisë, njofton “Bloomberg News.”
Një punëtor i ri i bankës në ekipin për këmbim të jashtëm valutor e kishte bërë gabimin në muajin qershor, transmeton Indeksonline.
Shifra prej 6 miliardë dollarëve i ishte transferuar një klienti amerikan të bankës, dhe ishte kthyer vetëm një ditë më vonë, dhe e gjitha kishte ndodhur pasi punëtori kishte përdorur një “shifër bruto dhe jo neto”, sipas raportit.