I dërguari special dhe koordinatori për çështjet energjetike ndërkombëtare në Departamentin amerikan të Shtetit, Amos Hostein i bëri thirrje qeverisë greke për të vendosur sa më shpejt lidhur me gazsjellësin transadriatik, TAP
Në një intervistë për gazetën greke “To Vima”, Hostein, i cili ndodhet për bisedime në Athinë për energjetikën, bashkëpunimin dhe sigurinë, theksoi se Greqia duhet t’i shfrytëzojë përparësitë dhe mundësitë për të marrë rolin e saj në energjetikën rajonale.
“SHBA-ja dëshiron ta mbështesë Greqinë, e cila është pjesë e njërit prej planeve energjetike më interesante në Evropë”, theksoi ai.