Srebrenicë, varrosen 175 viktimave të identifikuara së fundmi

Disa mijëra njerëz janë mbledhur në Srebrenicë për përvjetorin e 19-të të masakrës së rreth 8,000 burrave dhe djemve myslimanë nga forcat serbe të Bosnjës, më 1995.

Pas ceremonisë përkujtimore në qendrën Potoçari janë varrosur mbetjet e 175 viktimave të identifikuara së fundmi.

Deri më tash, mbetjet e 6,066 personave janë zhvarrosur nga varret masive dhe janë rivarrosur në Potoçari.

Për gjenocidin në Srebrenicë janë akuzuar ish-udhëheqësi i serbëve të Bosnjës, Radovan Karaxhiq, dhe ish-gjenerali Ratko Mlladiq.