Rrezikon të degjenerojë akoma më shumë situata mes Izraelit dhe Palestinës, në prag të funeralit të adoleshentit palestinez, Mohammed Abu Khdair.
Një 17 vjeçar u rrëmbye dhe u vra, ndërsa policia mendon se kjo është një hakmarrje për vrasjen e tre adoleshentëve izraelitë disa ditë më parë.
Edhe pse vrasja e adoleshentit palestinez u dënua nga liderët izraelitë dhe palestinezë, kjo solli përplasje të ashpra.
Izraeli kreu disa sulme ajrore në Gaza mëngjesin e të enjtes, në përgjigje të militantëve islamikë, që qëlluan me raketa në drejtim të Izraelit.
Ministria e Mbrojtjes e Izraelit tha se ata kanë sulmuar 15 pika, që dyshohet se përdoren nga terroristët.
Mendohet se dhjetë palestinezë u plagosën në këto sulme.
Funerali i Mohammed Abu Khdair do të mbahet pas lutjeve të mesditës.
Adoleshenti u detyrua që të futej në një makinë në Jerusalemin Lindor, mëngjesin e të mërkurës.
Trupi i tij u gjet më vonë, me shenja dhune. Policia ende po heton për këtë ngjarje, por dyshon se ishte hakmarrje për vrasjen e tre adoleshentëve izraelitë.
Izraeli thotë se adoleshentët u vranë nga Hamasi.
