Mediat kroate kanë publikuar foto, në të cilat shihet se kryetarja e Kosovës, Atifete Jahjaga dhe kryeministri Hashim Thaçi shihen duke qëndruar bashkë me kryetarin e Serbisë Tomisllav Nikoliq, gjatë aktiviteteve solemne që po organizohen në Zagreb me rastin e anëtarësimit të Kroacisë në BE.
Mediat kosovare, ndërkaq kanë informuar se më parë presidenti serb u është shmangur takimeve me presidenten e Kosovës. Disa nga këto media, gjithashtu kanë theksuar faktin që këto foto janë publikuar nga mediat kroate, dhe jo nga institucionet të cilat i përfaqësojnë autoritetet kosovare.
