“Me kënaqësi të veçantë ju dërgoj urimet më të përzemërta nga të gjithë ne pranë Bashkimit Demokratik për Integrim për vendimin e sotëm të 28 Ministrave të Jashtëm të vendeve anëtare të Bashkimit Evropian që Shqipëria të marrë statusin e vendit kandidat për anëtarësim në familjen Evropiane”, thuhet në urimin e Ali Ahmetit.
“Rreshtimi i Shqipërisë në Bruksel është me rëndësi të jashtëzakontë për të gjithë shqiptarët, por edhe për kombet tjera fqinje sepse procesi integrues Euroatlantik është rruga e vetme për paqe të qëndrueshme në rajon, marrëdhënie të mira ndëretnike dhe nder fqinjësore, stabilitet dhe siguri si dhe zhvillim ekonomik”, thuhet në urimin e Ali Ahmetit.