Pas protestave masive, kryeministri izraelit i prolongoi planet e reformës gjyqësore

Kryeministri izraelit, Benjamin Netanyahu, ka vendosur të prolongojë planet e diskutueshme për reformën gjyqësore që ngjallën protesta masive në mbarë vendin, transmeton Anadolu.

Në një adresimin televiziv, Netanyahu tha se ekziston një “pakicë ekstremiste” që po përpiqet ta ndajë Izraelin.

“Unë jam i vetëdijshëm për tensionet e mëdha që po ndërtojnë midis dy pjesëve të kombit. Unë jam i ndjeshëm ndaj dëshirës së shumë qytetarëve për të zvogëluar këto tensione. Por ekziston një gjë që unë nuk mund ta pranoj, ekziston një pakicë ekstreme që është e gatshme ta copëtojë vendin tonë”, tha Netanyahu.

Ai tha se vazhdimisht ka kërkuar dialog për reformën gjyqësore.

“Nëse ka një mënyrë për të shmangur një luftë civile përmes dialogut, unë do të japë kohë për dialog. Nga përgjegjësia kombëtare, nga dëshira për të shmangur ndarjen e kombit, unë kam vendosur të pezulloj leximet e dyta dhe të treta të projektligjit në këtë seancë të Knesset-it në mënyrë që të blej kohë për të arritur një marrëveshje të gjerë për legjislacionin në Knesset-in tjetër”, tha Netanyahu.

Reforma e planifikuar e gjyqësorit ka tërhequr protesta masive publike për muaj të tërë, me demonstruesit që e quajnë planin një kapje nga pushteti qeveritar.

Netanyahu, i cili gjykohet për korrupsion, pretendon se plani i tij do të forcojë demokracinë, dhe do të rivendosë ekuilibrin midis degëve legjislative, ekzekutive dhe gjyqësore.

Lajme të ngjashme

Leave a Reply

Your email address will not be published. Required fields are marked *

Back to top button