Bekteshi paralajmëroi ulje të reja çmimesh edhe në prill: Kjo krizë nuk do të jetë mbi kurrizin e qytetarëve

Ministri i Ekonomisë, Kreshnik Bekteshi, pas bisedimeve me kryeministrin Dimitar Kovaçevski, ka deklaruar se masat me të cilat ulen çmimetpo respektohen. Bekteshi bëri të ditur se masa të reja do të pasojnë në muajin prill. Ai shtoi edhe se: Masat do t’i përcaktojmë me ministrin e Financave dhe kryeministrin. Kjo krizë nuk do të jetë në kurrizin e qytetarëve. Ne do të heqim taksat, kompanitë do të heqin dorë nga fitimet. Ministri nuk përjashton mundësinë e uljeve shtesë të çmimeve, të cilat do të përcaktohen pas një analize të re, transmeton Portalb.mk.

“Propozimet kanë qenë korrekte, janë bërë me të gjitha kompanitë. Sot edhe një herë konfirmohet se po kur të do ka hapësirë, që kriza të mos jetë në kurrizin e qytetarëve. Dua të falënderoj të gjithë inspektorët, të cilët janë në terren gjatë gjithë ditës dhe natës, për të qenë të drejtë dhe për të mos dëmtuar konsumatorët apo qytetarët. Kompanitë nuk pësojnë humbje, ndërsa përfitimin më të madh e marrin qytetarët”, tha Bekteshi.

Ai shtoi se është i bindur se do të ketë kompani që do të ulin edhe më tej çmimet, pavarësisht masave.

“Nëse i ulin vetë, ne kemi hapësirë ​​për të rritur konkurrencën. Deri në fund të javës së ardhshme do të përgatisim informacion për kryeministrin me një analizë të detajuar për çdo produkt dhe sipas këtyre analizave do të hartohen masat e reja që do të pasojnë në muajin prill. Ato do të synojnë ekonominë, sigurisht që do të jenë të drejtuara edhe kah qytetarët, përkatësisht për ata që kanë konfirmimin më të madh dhe që nuk kanë të ardhura të mjaftueshme për t’u përballur me krizën”, shtoi Bekteshi.

Kujtojmë se pej sot edhe zyrtarisht ka hyrë në fuqi vendimi i Qeverisë për zvogëlimin e çmimeve të pastave dhe prodhimeve të qumështit, i cili është miratuar përpara një jave. Në markete, qytetarët do të munden të blejnë pasta më lirë për 15% dhe produkte të qumështit për 10%.

Inspektorati Shtetëror i Tregut paralajmëroi se prej sot inspektorët do të jenë në terren dhe do të kryejnë kontrolle nëse tregtarët kanë vepruar sipas vendimit qeveritar.

“Inspektorët do të veprojnë në kuadër të kompetencave të tyre të cilat dalin nga vendimet, në pajtueshmëri me Ligjin për Tregti. Bëhet fjalë për profesionistë me përvojë në fushën e inspektimit tregtar, që do të thotë se jemi absolutisht të përgatitur të përballemi edhe me këtë sfidë”, tha drejtori i Inspektoratit Goran Trajkovski.

• LEXO: Bytyqi: Tregtarët ende nuk i kanë ulur çmimet e pastave dhe prodhimeve të qumështit, kanë afat edhe dy ditë

Përndryshe, çmimi i pastave (shpagetave dhe makaronave) do të ulet për 8-9 denarë, gjegjësisht minimum për 15%, ndërkaq ulje të çmimit prej më së paku për 10% do të ketë edhe për prodhimet e qumështit (qumësht lope me yndyrë prej 2,8%, 3,2% dhe 3,5%; gjizë; djathë lope, kos, ajkë dhe jogurt pa shtesa). Gjobat për mosrespektim të vendimit qeveritar lëvizin prej 800 deri në 10.000 euro.

Ky është vendimi i dytë për ngrirjen e çmimeve të produkteve ushqimore, pasi që më 28 shkurt Qeveria miratoi vendim për kufizimin e çmimit të bukës së bardhë dhe gjysmë të bardhë në 33 denarë.

• LEXO: Në marketet e Çairit raftet e bukës të zbrazëta, qytetarët dhe të punësuarit të irrituar nga vendimi i kompanive të bukës

Për shkak këtij vendimi, bukëpjekësit filluan me bojkotin e prodhimit të bukës, megjithatë pas dy ditësh, ata e ndaluan grevën.

Në lidhje me çmimin e bukës, Inspektorati Shtetëror i Tregut ka realizuar 300 kontrolle dhe ka lëshuar urdhërpagesa për objektet tregtare në vlerë prej 960.000 denarë, apo mbi 15 mijë euro për mosrespektim të vendimit.

• LEXO: RMV, prej sot çmime më të lira të pastave dhe prodhimeve të qumështit, inspektorët paralajmërojnë kontrolle
• LEXO: RMV, qeveria ngriu çmimet: qumështi dhe produktet e qumështit do të lirohen për 10 përqind, ndërsa makaronat me 15 përqind
• LEXO: RMV, tregtarët u dënuan me gjithsej 15 mijë euro pasi nuk kishin ulur çmimin e bukës