Aktivistët rinor në Tetovë kanë ndjekur ndotësit potencial të ambientit jetësor të cilët nëpër qytet me hedhjen e mbeturinave krijojnë deponi ilegale gjithandej dhe të njëjtat përmes fotografive i shfaqën përmes një ekspozite. Qëllimi i së cilës është të ndërgjegjësojë dhe të veprohet në këtë drejtim që rastet e tilla të eliminohen, shkruan Portalb.mk.
Ardonit Ismaili, koordinator i projektit nga Qendra për Edukim dhe Zhvillim (CED) sqaroi për Portalb se dy mobilizatorët e tyre kanë ndjekur ndotësit ekologjik në Komunën e Tetovës, dhe kanë arritur të mobilizojnë komunitetin, ku me të rinjtë e qytetit kanë fotografuar ndotësit të cilat i kanë hedhur në ekspozitë e cila u prezantua sot para publikut në hapësirat e Forumit për Ndryshime në Arsim.
“Nëpërmjet kësaj ekspozite synohet të arrihet ndërgjegjësimi i popullatës dhe synohet që të arrihet deri aty sa që Inspektorati Komunal Ekologjik të merr masa të duhura ndaj ndotësve potencial dhe të gjitha raportet që janë në faqen E-report. Këto të gjithë fotografitë do të raportohen edhe atje, të njëjtat të ndiqen dhe të dënohen nga inspektorati që të mos kemi ndotje të ambientit në Komunën e Tetovës”, tha Ismaili.
Kjo ekspozitë u organizua nga Qendra për Edukim dhe Zhvillim (CED) në kuadër të projektit “Mbështetje për reformat zgjedhore” që qeverisë së Zvicrës, zbatuar nga Fondacioni Ndërkombëtar për Sistemet Zgjedhore” (IFES).