Ekipet e zjarrfikësve nga Ohri gjatë ditës së djeshme kanë intervenuar në dy zjarre në hapësirë të hapur, transmeton Portalb.mk.
Sipas informacioneve, është djegur një sipërfaqe e madhe, në të cilën ka një numër të madh shpendësh dhe kafshësh. Gjithashtu u dogjën pemishte, ndërsa era e fortë rrezikonte edhe shtëpitë aty pranë, të cilat u mbrojtën për më shumë se katër orë.
“Autorët që ndezën zjarret duhet të ndëshkohen! Është djegur një sipërfaqe e madhe me kallamishte në të cilën ka një numër të madh shpendësh dhe kafshësh, janë djegur edhe pemishte, si dhe ekzistonte rreziku real që era e fortë të rrezikonte shtëpitë aty pranë, të cilat u mbrojtën për më shumë se katër orë! Zjarri është shuar nga ekipet tona me ndihmën e qytetarëve dhe anëtarëve të ShVKZ Entuziast Ohër-Debrëcë”, njoftojnë nga NjTKZ Ohër.