Mbrëmë pas mesnate shpërtheu një zjarr i madh pas Spitalit të Tetovës ku janë djegur mbeturina, transmeton Portalb.mk.
Zjarrfikësit kanë dalë në terren dhe kanë lokalizuar zjarrin.
“Mbrëmë rreth orës 00:50 një kalimtar rasti e ka paraqitur rastin te ne. Kemi dalë në vend ngjarje dhe kemi hasur me një zjarr të përmasave të mëdha de në ora 01:25 zjarri ka qenë i shuar. Kemi intervenuar me një veturë dhe katër zjarrfikës, bëhet fjalë për zjarr në pjesën e pasme të Spitalit, më saktë te mbeturinat e spitalit”, tha për Portalb komandanti i zjarrfikësve të Tetovës, Avni Ameti.
Nga Policia e Tetovës për Portalb njoftuan se rasti nuk është raportuar në këtë institucion.