Nxënësit dhe studentët e Maqedonisë së Veriut do të mund të marrin bursat e tyre deri në fund të këtij muaji, sikurse edhe shujtat e tyre, paralajmëroi Ministria për Arsim dhe Shkencë, transmeton Portalb.mk.
”Pagesat për bursat e nxënësve , bursat e studentëve brenda dhe jashtë vendit dhe racionet e subvencionuara të studentëve do të realizohenbrenda javës së ardhshme”, raportoi Ministria.
Ministria sqaroi që pagesat do të bëhen në bazë të Programeve që do të miratohen në seancën e ardhshme të Qeverisë, përmes së cilës do të shlyhen gjitha detyrimet e papaguara për nxënës dhe student.