Rusia dhe Ukraina thanë të shtunën se kanë liruar më shumë se 200 ushtarë, shkëmbimi i fundit i të burgosurve midis dy palëve në konfliktin 10-mujor, njofton VOA.
Ministria ruse e Mbrojtjes tha se 82 ushtarë rusë ishin liruar nga Ukraina, ndërsa shefi i zyrës së presidentit ukrainas, Andriy Yermak, tha se Rusia kishte dorëzuar 140 ushtarë ukrainas.
Disa nga 132 burrat dhe tetë gra ukrainase që u liruan ishin plagosur ose kishin luftuar për të mbrojtur qytetin port të Mariupolit në Detin e Zi, tha zoti Yermak në një mesazh në faqen e tij në Telegram.
Dy palët kanë shkëmbyer qindra ushtarë në disa raunde shkëmbimesh të burgosurish muajt e fundit, megjithë mungesën e bisedimeve më të gjera diplomatike midis Moskës dhe Kievit.