Sali: Raporti përfundimtar për rastin “Zhan Mitrev” do të jetë gati javën e ardhshme

Ministri i Shëndetësisë Bekim Sali njoftoi se javën e ardhshme do të publikohet raporti përfundimtar i punës së disa komisioneve dhe institucioneve shtetërore shëndetësore për rastin “Zhan Mitrev” pas dokumentarit të IRL “Gjaku i Pistë”, i cili zbuloi se hemofiltrimi i përdorur për trajtimin e Covid- 19 në këtë spital ishte në fakt një provë klinike, jo një metodë e provuar, për të cilën ishin paguar disa mijëra euro. Në një paraqitje të ftuar në emisionin “360 gradë”, Sali nuk ka dashur të zbulojë para kohe një pjesë të gjetjeve, ndër të tjera, për shkak të hetimeve të drejtuara nga Prokuroria Publike.

Për përcaktimin e situatës punuan pesë komisionet dhe institucionet: Inspektorati Shtetëror Sanitar Shëndetësor, MALMED – përgjegjës për kërkimin klinik, Dhoma e Mjekësisë, komisioni i formuar posaçërisht për infeksionet intraspitalore, si dhe komisioni i posaçëm për hemofiltrimin.

“Në shtator janë pranuar katër raporte, por nuk kam dashur që të publikohen veçmas për shkak të gjithë procesit. Raporti i fundit, të cilin besoj se do ta finalizojmë gjatë javës së ardhshme, është raporti i hemofiltrimit si metodë e trajtimit të pacientëve me Covid-19. Ai duhet të përmbajë shpjegim se sa ishte indikacioni, nëse kishte kundërindikacione, ose nëse ishte një metodë që shkaktoi vdekjen e shumë pacientëve. Ky do të jetë përfundimi ynë profesional”, tha Sali.

Sal në intervistë i është përgjigjur edhe pyetjeve për kontrollet e jashtëzakonshme financiare që Fondi i Sigurimit Shëndetësor ka bërë në 35 klinika dhe spitale klinike për të kontrolluar mënyrën e llogaritjes së pagave dhe shtesave për drejtuesit e këtyre institucioneve publike. Rasti ishte rasti i drejtoreshës së Klinikës së Fëmijëve, Aspazija Sofianova, e cila ishte paguar për detyrë në periudhën kur ishte në një udhëtim pune për trajnim profesional.

Gjithashtu Sali bëri të ditur se Qeveria këtë javë ka mbajtur një seancë tematike në të cilën ka prezantuar konceptin për riorganizimin dhe konsolidimin e institucioneve publike shëndetësore në vend.

Ministri tha se koncepti nuk i referohet vetëm ndërtimit të një qendre të re klinike në Shkup, por edhe gjashtë spitaleve të reja rajonale me qëllim të përmirësimit të cilësisë së shërbimeve në kujdesin sekondar dhe terciar shëndetësor, si dhe kujdes po ashtu i është kushtuar personeli shëndetësor. Në të njëjtën kohë, thotë ministri, koncepti nuk parashikon huamarrje shtesë nga shteti.

Të gjitha lajmet në lidhje me rastin mund t’i lexoni më poshtë:

• LEXO: MALMED ka dorëzuar kallëzim penal kundër Zhan Mitrevit për shkak të testimeve klinike të padeklaruara
• LEXO: Gjykata e refuzoi kërkesën e Zhan Mitrevit për ta fshirë dokumentarin “Gjaku i papastër”
• LEXO: Zhan Mitrev kërkon që gjykata të urdhërojë fshirjen e dokumentarit “Gjaku i papastër”
• LEXO: Zhan Mitrev ka dhënë garanci prej 1 milion euro se nuk do të arratiset
• LEXO: Gjykata e mori pasaportën e Zhan Mitrevit
• LEXO: Prokuroria filloi procedurë hetimore ndaj Zhan Mitrev
• LEXO: Sali për rastin “Zhan Mitrev”: 560 pacientë me kovid janë trajtuar me hemofiltrim, do ta analizojmë secilin rast
• LEXO: Institucionet punojnë në zbardhjen e rastit me spitalin privat “Zhan Mitrev”, sqaroi Kovaçevski
• LEXO: Prokuroria thotë se po heton vdekjen e kosovarit në “Zhan Mitrev”
• LEXO: Sali: Hemofiltrimi në Klinikën “Zhan Mitrev” është përdor si trajtim “magjik”
• LEXO: Edhe një skandal i ri në klinikën “Zhan Mitrev
• LEXO: Familja nga Kosova me kallëzim penal kundër spitalit “Zhan Mitrev”
• LEXO: Sali: Për 3 vjet në Zhan Mitrev janë kryer 3 inspektime të rregullta dhe 9 të jashtëzakonshme
• LEXO: Bekim Sali për “Zhan Mitrevin”: Në RMV nuk ka të paprekshëm, nëse vërtetohet do të ketë përgjegjësi
• LEXO: Hulumtim: Eksperiment i paligjshëm me kovid-pacientët në “Zhan Mitrev”, klinika i ka “rrjepur” qytetarët