Televizionet serbe “N1” dhe “Nova S” që nga mesnata nuk transmetojnë programe të rregullta dhe në ekran në sfond të zi është shkruar mesazhi “Zi në Serbi pa media të lira”. Megjithatë, portalet e tyre funksionojnë pa ndërprerje, transmeton Portalb.mk.
Mesazhi është shpërndarë edhe në profilet e këtyre televizioneve në rrjetet sociale, por në lajmin e publikuar nga “N1” thuhet se së shpejti do të publikohen informacione shtesë.
Deputetët e opozitës në Kuvendin e Serbisë në seancën e sotme kanë mbështetur televizionet “N1” dhe “Nova S” duke u ngritur në këmbë dhe duke mbajtur çarçafë të zinj me mbishkrimin: “Zi në Serbi pa media të lira”.