Ministri i Ekologjisë, Abdilaqim Ademi edhe në ditën e Kongresit të partisë së tij, komunikon vetëm në Gjuhën Maqedonase me Komunën e Strugës dhe qytetarët e saj, reagojnë nga Komuna e Strugës.
“Edhe pas disa reagimeve dhe vërejtjeve të bëra nga Komuna e Strugës , ministrat shqiptarë vazhdojnë , që Gjuhën Shqipe të mos ta marrin parasysh në përdorimin zyrtar administrativ. Tanimë kjo mënyrë komunikimi është bërë praktikë e zakonshme për këta zyrtarë, që në emër të saj vazhdojnë të qeverisin”, thonë nga Komuna e Strugës.