Europe House në Shkup, sot ka shënuar përvjetorin e tretë. Me këtë rast, Ambasadori David Geer, Shef i Delegacionit të Bashkimit Evropian prezantoi planet për zgjerimin e rrjetit të Europe House edhe në qytete të tjera, transmeton Portalb.mk.
Të gjitha aktivitetet e përvjetorit do të realizohen në partneritet me Galerinë Kombëtare. Disa prej tyre do të mbahen në Shtëpinë Muze të Llazar Liçenoskit në Shkup, ndërsa të tjerat përfshijnë:
- Ekspozitë artistike të të gjitha llojeve të veprave artistike të prodhuara nga studentët dhe profesorët e Fakultetit të Arteve të Bukura si rezultat i frymëzimit të tyre nga trashëgimia e Liçenoskit. Puna artistike do të jetë në dispozicion të publikut përmes rrjeteve sociale.
- Punëtori artistike për fëmijë në Europe House – Shkup.
- Nisja e Bisedimeve Kulturore, respektivisht një seri debatesh drejt ndërgjegjësimit se trashëgimia kulturore është gjithashtu një e ardhme kulturore. Debati i parë i tillë, i titulluar “Mendo përpara – Sepse kultura ka rëndësi” në nder tëVjosa Berishës (1972 – 2022), ish-drejtoreshë e Europe House.
Programin e plotë mund ta gjeni KËTU.
Kanë kaluar tre vjet që kur presidenti i atëhershëm i Parlamentit Europian David Sassoli (1956 – 2022) ua dorëzoi në mënyrë simbolike çelësin e Europe House-Shkup rinisë në Maqedoninë e Veriut.
Europe House zëvendësoi ish-Qendrën Informative të BE-së në mënyrë që t’u shërbejë kryesisht të rinjve dhe të funksionojë si qendër rinore. Sot në ditëlindjen e 3-të janë 3 Europe House në Maqedoninë e Veriut – në Shkup, Kriva Pallankë dhe Strumicë.
Ndërsa, më 4 nëntor, ambasadori Geer prezantoi planet për 4 Europe House të reja– në Manastir, Strugë, Tetovë dhe Veles. Këto ‘vende të gjeneratës së re’ do të hapen gjatë vitit 2023, duke siguruar kështu prani të ekuilibruar.