Nostrifikimi dhe ekuivalentimi i diplomave të huaja në Maqedoninë e Veriut do të mund të realizohet tani në forme digjitale, transmeton Portalb.mk.
“Personat që kanë nevojë për njohje të diplomave dhe kualifikimeve arsimore të huaja nga data 4 nëntor 2022 do të mund ta përdorin këtë shërbim ekskluzivisht në mënyrë elektronike”, raportoi Ministria.
Adresa elektronike www.e-uslugi.mon.gov.mk. do të shërbejë si mundësi për parashtrimin e kërkesës për nostrifikim dhe ekuivalentimin e kualifikimeve arsimore të fituara jashtë vendit.
“Në këtë mënyrë konsiderueshëm shkurtohet koha, por edhe shpenzimet e bëra gjatë përdorimit të këtij shërbimi”, vlerësojnë nga Ministria, duke paralajmëruar edhe digjitalizim të shërbimeve tjera.