Fondacioni për internetit dhe shoqëri “Metamorphosis” do të organizojë panel diskutimi online me temë “Dallet dhe dezinformimi në Ballkanin Perëndimor” sot (31 tetor), duke filluar nga ora 14:00, në platformën për video- komunikim Zoom, transmeton Portalb.mk.
Paneli do të jetë i karakterit rajonal, me pjesëmarrjen e përfaqësuesve të organizatave nga Ballkani Perëndimor që luftojnë kundër dezinformimit dhe të cilët do të ndajnë përvojat e tyre në lidhje me ekspozimin e narrativave dezinformuese antidemokratike që keqpërdorin çështjet që lidhen me dallimet në shoqëritë e tyre.
Folës në këtë ngjarje do të jenë: Vlladimir Petreski – redaktor i Vistinomer, Nikolla Petroviq – drejtor ekzekutiv i Qendrës për çështje ndërkombëtare dhe sigurie ISAC nga Serbia, Petrit Zogaj – Redaktor kombëtar i Sbunker.net, organizatë botuese mediatike nga Kosova dhe Barbara Hala – gazetare dhe studiuese në Faktoje.al, shërbim për verifikimin e fakteve nga Shqipëria, si dhe Ismar Milak – Koordinator i projektit në Pse jo nga Bosnja dhe Hercegovina, themelues i shërbimeve të verifikimit të fakteve Istinomjer.ba dhe Raskrinkavanje.ba (fcs). Moderatore e panelit është Despina Kovaçevska – eksperte për monitorimin e mediave në Fondacionin “Metamorfozis”.
Panelistët janë anëtarë të rrjetit që zbaton projektin aktual rajonal “Qendra kundër dezinformimit në Ballkanin Perëndimor: Ekspozimi i ndikimeve të rrezikshme përmes gazetarisë vëzhguese”. Diskutimi është i hapur për publikun dhe përfaqësuesit e mediave. Të interesuarit, diskutimin mund ta përcjellin në këtë link.
Gjuha do të jetë anglishtja, me përkthim në gjuhën maqedonase dhe shqipe. Diskutimi do të transmetohet drejtpërdrejt në faqen e Facebookut të Fondacionit Metamorfozis.
Ngjarja mbahet në kuadër të Ditëve të edukimit mediatik, në sinergji me aktivitetet e projektit rajonal “Qendra kundër dezinformimit në Ballkanin Perëndimor: ekspozimi i ndikimeve të rrezikshme përmes gazetarisë vëzhguese” financuar nga Ministria e Punëve të Jashtme e Mbretërisë së Holandës dhe projekti “Promovimi i aksesit në lajme të besueshme për të luftuar dezinformimin” i financuar nga fondacioni amerikan joprofitabil NED (National Endowment for Democracy).