Partitë politike edhe pas zgjedhjeve të parakohshme parlamentare të 27 prillit do të marrin kompensimin që i takon lidhur me votat e fituara. Sipas ligjit të përcaktuar nga kodi zgjedhor, partitë fitojnë nga 1.5 denarë nga numri i përgjithshëm i votave, në rast se kanë fituar më së paku 1.5 për qind nga numri i përgjithshëm i votave nga qytetarët në nivel të vendit, njësisë zgjedhore.
Sipas përllogaritjeve të bëra nga të dhënat e KSHZ-së, VMRO-DPMNE do të përfitojë kompensim prej rreth 117.000 euro, LSDM 69.000 euro, BDI 37.000 dhe PDSH 16.000 euro.
Kompensimi i shpenzimeve gjatë zgjedhjeve do të paguhet nga buxheti i Republikës së Maqedonisë, pra nga komuna dhe qyteti i Shkupit në një afat prej 3 muajve pas dorëzimit të raportit financiar për kampanjën zgjedhore bazuar në raportin e Komisionit Shtetëror për Zgjedhje. Kompensimi i shpenzimeve të zgjedhjeve do të përcaktohet me vendim të Kuvendit, këshillit të komunës dhe qytetit të Shkupit”, shkruan në nenin 86 të Ligjit për Zgjedhje.