Ka filluar transferimi i gazit natyror në tubacionin “Baltic Pipe” i cili përmes Danimarkës do të transportojë gazin norvegjez në Poloni, transmeton Anadolu Agency (AA).
Në një deklaratë nga operatori i sistemit polak “Gaz-System” thuhet se transferimi i gazit natyror ka filluar nga 1 tetori.
Në postimin e bërë nga “Gaz-System” theksohet se “Sot është ajo ditë historike! Në Baltic Pipe filloi rrjedha e gazit”.
Tubacioni u përurua më 27 shtator dhe do të transportojë 10 miliardë metra kub gaz natyror në vit nga Norvegjia në Poloni.