Sot në kuadër të Ligës së Kombeve ka luajtur Shqipëria edhe Kosova, por të dy ekipet nuk arritën të marrin një pikë, pasi humbën si mysafir në minutat e fundit, transmeton Portalb.mk.
Ekipi i Kosovës fillimisht ishte duke udhëhequr kundër ekipit të Irlandës së Veriut me golin e bukur të Vedat Muriqit, por në tetë minutat e fundit pësoi dy gola.
Kosova gjendet në vendin e dytë në grup me 6 pikë nga 5 ndeshje, pas Greqisë me 12 pikë, ndërsa e ndjekur nga Qipro dhe Irlanda e Veriut me 5 pikë.
Në orët e mbrëmjes Shqipëria pësoi humbje në minutat e fundit nga Izraeli. Në sekondat e parë të pjesës së dytë arriti të shënojë Izraeli, ndërsa Uzuni në minutën e 88 arriti të barazojë. Por, në minutat në vazhdim, Izraeli arriti të shënojë përsëri për rezultatin përfundimtar 2-1.
Shqiëpria gjendet në pozitën e fundit në grup me 1 pikë nga 3 ndeshje, Izraeli në vendin e parë me 8 pikë nga 4 ndeshje, ndërsa Islanda me 3 pikë nga 3 ndeshje.