Përveç simptomave të zakonshme, mjekët kanë vënë re se disa pacientë tani po raportojnë simptoma të reja duke përfshirë diarre, ulje të prodhimit të urinës dhe dhimbje gjoksi, shkruan Panacea.
“Tek pacientët me Covid është në rritje numri i sindromës akute koronare, infarkti i miokardit (sulmi në zemër). Ka pacientë që raportojnë simptoma jo specifike si dhimbje gjoksi, ulje të prodhimit të urinës, diarre dhe më pas rezultojnë të jenë pozitivë ndaj Covidit”, thotë Akshay Budhraya, konsulent i lartë për mjekësinë respiratore në Aakash Healthcare.
Përveç këtyre simptomave të përmendura, mjekët kanë vënë re edhe simptomat e mëposhtme në rastet e reja të COVID
- Marramendje
- Dobësi ekstreme
- Humbje e përkohshme e nuhatjes dhe shijes
- Ethe
- Kollë
- Gulçim ose vështirësi në frymëmarrje
- Lodhja
- Dhimbje muskujsh ose trupi
- Dhimbje koke
- Dhimbje të fytit
- Rrjedhje ose hundë të zëna
Nënvarianti omicron, BA 2.75 ka një shkallë më të lartë transmetimi. Ai u zbulua së fundmi në Delhi. Shkencëtari kryesor i OBSH-së, Soumya Swaminathan tha se BA 2.75 dukej se kishte mutuar në një mënyrë që mund të tregonte “arratisje të madhe imune”, që mund të nënkuptojë se ky nënvariant mund të infektojë gjithashtu njerëzit që tashmë kanë antitrupa nga vaksinimet e mëparshme.
Megjithatë, lajmi i mirë është se ky variant nuk shkakton sëmundje të rëndë. Mjekët vunë në dukje gjithashtu se periudha aktuale e rikuperimit për shumicën e pacientëve zgjat rreth një javë.