U arrestuan dy shqiptarë në Strugë pasi tentuan të bëjnë kontrabandë 50 kilogram peshk

Policia e Maqedonisë së Veriut në Strugë ka arrestuar dy shtetas të Shqipërisë të cilët po lëviznin me një “Mercedes” ku ishin të vendosura 50 kilogram peshk, transmeton Portalb.mk.

I arrestuar është 39 vjeçari S.M. dhe 43 vjeçari A.S. të cilët dyshohet se kanë shfrytëzuar rrjete për peshkim, pasi në të veturën e tyre u kapën 20 rrjete me gjatë nga 100 metra.

Ushqimi i konfiskuar, pra 81 copa troftë të Ohrit, vlerësohen si kontrabandë nga Policia, për çka ndaj tyre do të paraqitet kallëzim penal.