Në Maqedoni, një pacient që nuk mori asnjë dozë vaksine për të katërtën herë “e kapi” korona, transmeton Portalb.mk.
Në Maqedoni vetëm një pacient, i cili nuk ka marrë asnjë dozë të vaksinës, është infektuar për herë të katërt me koronavirus, konfirmojnë për Kanalin 5 nga Instituti i Shëndetit Publik.
Nga aty thonë se në sistem janë regjistruar gjithsej 17.540 persona të infektuar më shumë se një herë, që do të thotë se 5 për qind e numrit të përgjithshëm të rasteve të konfirmuara janë riinfektime. Numri më i madh i tyre u infektuan dy herë, por janë 102 që “kapën” tri herë koronën.
Për 3 ditë janë kryer 2095 analiza dhe janë regjistruar 889 raste të reja me COVID-19.