U publikua Protokolli bilateral i nënshkruar midis RMV-së dhe Bullgarisë (DOKUMENT)
Ministria e Punëve të Jashtme e publikoi Protokollin bilateral të cilin në Sofje e nënshkruajtën shefat e diplomacive të Maqedonisë së Veriut dhe Bullgarisë, Buar Osmani dhe Teodora Gençovska, njofton Portalb.
Pas kthimit nga Sofja, Osmani para gazetarëve e prezantoi Protokollin bilateral dhe tha se të gjithë detyrimet për historinë vijnë madje pasi që harmonizohen historianët në Komisionin e përzier historik.
Marrëveshja ka “5+1 pika”, çështjet historike, eurointegrimet, gjuha e urrejtjes, pretendimet territoriale, rehabilitimi i viktimave të represioneve në periudhën komuniste dhe të drejtat e njeriut
Ministri Osmani potencoi se negociatat me Bashkimin Evropian fillojnë të martën me konferencën e parë ndërqeveritare në Bruksel.
Kryeministri Dimitar Kovaçevski mbrëmë në konferencën për shtyp informoi se më 19 korrik do të mbahet konferenca e parë ndërqeveritare.
Ndryshe, propozimi francez për zgjidhjen e ngërçit Bullgari-Maqedoni e Veriut dhe hapjen e negociatave eurointegruese, në vend mbërriti më 30 qershor, pas së cilës kryeministri Kovaçevski njoftoi proces të gjerë konsultimi me koalicionin qeveritar, presidentin e vendit, Parlamentin, opozitën, si dhe me sektorin civil, ekspertët dhe publikun e gjerë në vend.
Së fundmi në Bullgari, ra Qeveria e kryeministrit Kiril Petkovit, çka rëndoi edhe më tej krizën politike në Bullgari. Në Samitin e BE-së, Bullgaria nuk e kishte hequr veton, pasi parlamenti duhej të miratonte propozimin francez dhe për rrjedhojë edhe të hiqte veton. Por pas Samitit, gjegjësisht më 24 qershor të këtij viti propozimi i Macronit kaloi në Parlamentin bullgar, që nënkuptonte heqjen e vetos nga Bullgaria ndaj Maqedonisë së Veriut, por njëkohësisht edhe heqjen e pengesës për Shqipërinë për vijimin e mëtejshëm të procesit integrues në BE.
Kujtojmë se para heqjes së vetos, hapja e negociatave me Bashkimin Evropian për Maqedoninë e Veriut bllokohej vazhdimisht nga Bullgaria. Sofja zyrtare kërkonte që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito. Ky kontest bllokoi për dy vite procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.
Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministrave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedonaso – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.
- LEXO: U nënshkrua protokolli midis Maqedonisë së Veriut dhe Bullgarisë
- LEXO: Osmani për protokollin: Të gjithë detyrimet për historinë vijnë pasi që të harmonizohen historianët në Komision, negociatat me BE-në fillojnë të martën
- LEXO: Petkov: Bullgaria do të vazhdojë të punojë me fqinjët Shqipërinë dhe Maqedoninë e Veriut për ardhmërinë evropiane të Ballkanit Perëndimor
- LEXO: Gençovska: Pozicioni i Bullgarisë për gjuhën maqedonase mbetet i pandryshuar
- LEXO: Mariçiq nga Sofja: Sot hapëm një kapitull evropian në marrëdhëniet me Bullgarinë
- LEXO: Kuvendi i RMV-së i tha “po” propozimit francez
- LEXO: Kovaçevski: Qeveria e miratoi propozimin francez, më 19 korrik do të mbahet konferenca e parë ndërqeveritare
- LEXO: Kuvendi i RMV-së i tha “po” propozimit francez, faktori ndërkombëtar e përshëndeti, Qeveria e miratoi
- LEXO: Debat me fjalor të papërshtatshëm në Kuvend, BE përsëriti se Maqedonia e Veriut duhet të shfrytëzojë mundësinë për negociata
- LEXO: Qeveria e RMV-së: I dënojmë sulmet jo të civilizuara në Kuvend nga ana e opozitës
- LEXO: Qeveria dorëzoi në Kuvend shtesën e Informacionit për përmbajtjen e kornizës së propozim-negocimit
- LEXO: Këshilli e Ambasadorëve: Kompromiset të vështira, por “propozimi francez” betonon dhe garanton gjuhën dhe identitetin maqedonas
- LEXO: MPJ: Sërish u shfaqën informacione të pasakta për përmbajtjen e Protokollit që të prishen konsultimet për propozimin
