Deri më tani, 991 fëmijë kanë humbur jetën ose janë plagosur gjatë luftës në Ukrainë

Që nga fillimi i agresionit rus kundër Ukrainës deri sot në mëngjes, 346 fëmijë janë vrarë dhe më shumë se 645 janë plagosur, tha kryeprokurori publik i Ukrainës në kanalin e tij Telegram, raporton agjencia shtetërore e lajmeve ukrinform.net.

Këto shifra nuk janë përfundimtare as për ditën e sotme, sepse po kryhen ende hetime në zonat e aksioneve ushtarake dhe në zonat që janë kthyer nën kontrollin e Ukrainës.

Nga rastet e fundit të fëmijëve të vrarë ose të plagosur, një vajzë katërvjeçare u plagos të dielën në granatimet e Bakhmut, në rajonin e Donetsk, nga forcat e armatosura ruse, dhe më vonë vdiq. Ditën e djeshme një djalë dy vjeçar mbeti i plagosur nga granatimet ruse të Pechenihi, në rajonin e Kharkiv.

Përfaqësuesi i përhershëm i Ukrainës në organizatat ndërkombëtare në Vjenë, dje në një takim të posaçëm të Këshillit të Përhershëm të OSBE-së për sulmet me raketa ruse në Ukrainë, tha se partnerët ukrainas duhet ta furnizojnë atë me armë të rënda shtesë, sepse “armët ruse mund të ndalohen vetëm me armë më të fuqishme” , siç u demonstrua në Ishullin e gjarpërit.”

Situata ushtarake mëngjesin e sotëm, sipas Shtabit të Përgjithshëm të Forcave të Armatosura të Ukrainës, është e njëjtë si në ditët e kaluara, me sulme me artileri dhe raketa nga forcat ruse përgjatë vijës së frontit, me përjashtim të disa vendeve në rajonin e Kharkivit, ku po përpiqen të ndalojnë avancimin e Forcave të Armatosura të Ukrainës.