Shoqata e Maqedonasve nga Shqipëria “Dielli” ka organizuar edicionin e 15-të të festivalit “Vera kulturore e Maqedonisë së Veriut”, aktivitetet e së cilës deri më 5 korrik do të zhvillohen në Shqipëri, transmeton Portalb.mk.
“Organizator i festivalit është Shoqata e Maqedonasve nga Shqipëria “Dielli” – Shkup dhe aktori Edmond Sotir. Festivali do të mbahet deri më 5 korrik, kur do të shfaqet premierë shfaqja “Orest” në bashkëpunim të Shoqatës “Dielli” dhe Teatrit “Jordan Haxhi Konstantinov – Gjiganti” nga Velesi”, raportoi Ministria e Kulturës në Maqedoninë e Veriut.
Aktivitetet që do të mbahen në sheshin “Goce Dellçev” në Pustec, do të përmbyllen më përzgjedhjen e aktorit dhe aktores më të mirë.