Shtatë ambasadorë, të enjten dhe të premten do të paraqesin letrat kredenciale tek presidenti Gorgje Ivanov. Në këtë grup është edhe ambasadori Petrit Bushati, i cili e zëvendëson Arben Çejkun.
Bushati ka karrierë 11 – vjeçare gazetareske pas dhe ka përvojë në misionet diplomatike të Shqipërisë në Vjenë , Stokholm dhe Uashington .
Ambasadorët e tjerë vijnë nga Britania e Madhe, Kina, Finlanda, Polonia, Letonia dhe Republika e Irlandës.
Në vend të ish-ambasadorit britanik Kristofer Ivon, i cili ishte edhe dekan i korit diplomatik në vend, vjen Edmond Charles Garrett, i cili në diplomacinë britanike është aktiv që nga viti 1987 dhe ka përvojë si përfaqësues britanik në Hong Kong, Nikosia, Bernë dhe Taipei.
Ambasadori i ri i Republikës Popullore të Kinës është një ish- gazetar, Wen Dzhenshun. Ai ka diplomë Master në Akademinë diplomatike në Vjenë dhe ka përvojë në Drejtoratin për Çështje të Evropës Perëndimore në Ministrinë e Jashtme kineze dhe ambasadat kineze në Gjermani dhe Luksemburg.
Ambasadori i ri polak në Maqedoni do të jetë Jacek Stefan Multanovski, i cili ka përvojë në ambasadat në Almaty dhe Tbilisi, si dhe në Ministrinë e Jashtme të Polonisë.
Ambasadori i ri i Finlandës, me qendër në Zagreb, është Timo Rajakangas, ndërsa ambasadori letonez, me qendër në Pragë, është Alberts Sarkanis.
Ambasadori i ri i Republikës së Irlandës , me qendër në Bukuresht, është Gerrard Kor.